Kurskdakı rus qoşunları hərbi texnikada böyük itkilər səbəbindən zirehli tanklardan və PDM-lərdən yük maşınlarına keçməyə məcbur olur və bu, Ukrayna ordusu üçün yeni imkanlar açır.

Axar.az xəbər verir ki, bunu “Forbes” nəşrinin analitiki Devid Eks deyib.

“Təxmini hesablamalara görə, avqustun 6-dan noyabrın 26-dək ruslar Kurskda 364 ağır texnika - əsasən tanklar və PDM-lər itiriblər. Ruslar artıq Kursk vilayətində itirilən yüzlərlə maşını yeni, daha az zirehli maşınlarla əvəz etməyə çalışırlar”, - analitik bildirib.

Onun sözlərinə görə, Rusiyada köhnə texnikaların ehtiyatları tükənir və sanksiyalar yeni istehsala mənfi təsir göstərir. Buna görə də Rusiya zavodları mürəkkəb tırtıllı texnikalardan daha sadə, təkərli nəqliyyat vasitələrinin istehsalına keçirlər.

“Ukrayna ordusu üçün pis xəbər odur ki, Rusiyanın texnikaları heç vaxt bitməyəcək, yaxşı xəbər isə odur ki, yeni texnikalar daha yüngüldür”, - Eks qeyd edib.