2024.12.03 - 18:24

Cənubi Koreya Prezidenti Yun Sok Yol Şimali Koreyanın ölkənin daxili işlərinə müdaxiləsinin qarşısını almaq və konstitusiya quruluşunu qorumaq üçün hərbi vəziyyət elan edib.

Axar.az xəbər verir ki, bu barədə “Yonhap” agentliyi məlumat yayıb.

Cənubi Koreyanın Müdafiə Nazirliyi “əsas komandirlər”in iclasını çağırır.

***

Paytaxt Seuldə minlərlə insan prezident tərəfindən elan edilmiş hərbi vəziyyətə etiraz etmək üçün parlament binasının qarşısına toplaşıb.

Bu barədə YTN məlumat yayıb.

Hərbi vəziyyəti təmin edən qoşunlar Milli Assambleyasının (parlament) binasına daxil olmağa çalışırlar.

Girişə toplaşan vətəndaşlar, o cümlədən deputatlar parlamentə buraxılmır.

Tərəflər arasında gərginlik yaşanmaqdadır.

***

Seulun mərkəzinə ağır hərbi texnikalar yeridilib.

***

Cənubi Koreya Milli Assambleyasının (parlament) sədri ölkə Prezidenti Yun Sok Yolun tətbiq etdiyi hərbi vəziyyət rejimini etibarsız elan edib.

Bu barədə YTN telekanalı məlumat yayıb.

O, vətəndaşları təmkinli olmağa çağırıb.

***

Cənubi Koreya Prezidenti Yun Sok Yol xalqa müraciət edib.

Bu barədə "Yonhap" agentliyi xəbər yayıb.

O qeyd edib ki, hərbi vəziyyətin tətbiqi üçün göndərilən qoşunlar geri çəkilib.