İsrail və Livan atəşkəs rejimindədir, lakin şimalda təhlükəsizlik bərpa olunmayana qədər müharibə bitməyəcək.

Axar.az xəbər verir ki, bu sözləri İsrailin Baş naziri Binyamin Netanyahu Livan sərhədindən bir neçə kilometr aralıda Nahariyya şəhərində hökumətin xüsusi iclasında çıxışı zamanı deyib.

“Mən vurğulayıram ki, bu, müharibənin sonu deyil, atəşkəsdir. Bizim aydın məqsədimiz var: sakinləri qaytarmaq və şimal əraziləri bərpa etmək. Biz bu atəşkəsi dəmir əllə qoruyuruq və kiçik və ya ciddi istənilən pozuntuya qarşı hərəkət edirik”, - Netanyahu bildirib.

Qeyd edək ki, İsraillə Livan (Hizbullah) arasında atəşkəs noyabrın 27-də qüvvəyə minib.