Hazırda müxalif qüvvələrin nəzarətinə keçən torpaqlara insanlar qayıtmağa başlayır. Bu, Türkiyə üçün çox əhəmiyyətlidir.

Axar.az xəbər verir ki, bu fikirləri türkiyəli yazar Mehmet Şahin Suriyada baş verənlərin Ankara üçün əhəmiyyətinə diqqət çəkərkən deyib.

Onun sözlərinə görə, Türkiyə üçün müsbət bir prosesin başladığını demək olar:

“Türkiyənin Suriyada hər zaman vurğuladığı müəyyən həssaslığı mövcuddur: Suriyanın şimalında terror zolağının meydana gəlməsinin qarşısını almaq, Türkiyədə sığınacaq tapan suriyalı qaçqınların öz evlərinə qayıtması, Suriyanın ərazi bütövlüyünün qorunması və hər bir təbəqəni əhatə edəcək siyasi həllin təmin olunması.

Son hadisələr ilk iki məsələ ilə bağlı Türkiyə üçün müsbət bir prosesin başlama əlamətləri daşıyır.

Üçüncü məsələ olan ərazi bütövlüyü və siyasi birlik məsələsi isə hələlik zamanla aydınlaşacaq”.