Türkiyənin xarici işlər naziri Hakan Fidan Qətərin paytaxtı Dohada HƏMAS Siyasi Şurasının sədri Məhəmməd İsmayıl Dərvişlə görüşüb.

Axar.az xəbər verir ki, bu barədə “Əl-Cəzirə” məlumat yayıb.

Bildirilib ki, tərəflər Qəzzadakı müharibəni, regional və beynəlxalq hadisələri və onların nəticələrini müzakirə ediblər:

“Türkiyənin xarici işlər naziri Hakan Fidan ölkəsinin Fələstin məsələsi ilə bağlı mövqeyini bir daha təsdiqləyib və Türkiyənin beynəlxalq ictimaiyyəti Qəzzada müşahidə olunan humanitar fəlakətlə mübarizə aparmaq və atəşkəs əldə etmək üçün səfərbər etmək səylərini vurğulayıb”.

Qeyd edək ki, Hakan Fidan Dohada bu gün iranlı və rusiyalı həmkarı ilə üçtərəfli kritik görüşə hazırlaşır. Tərəflər Suriyada son günlər kəskinləşən vəziyyəti və Əsədin taleyini müzakirə edəcək.