İran Xarici İşlər Nazirliyi Suriyanın paytaxtında hakimiyyəti ələ keçirmiş silahlı qrupların İranın Dəməşqdəki səfirliyinə hücumunu pisləyib.

Axar.az xəbər verir ki, bu barədə İranın Xarici İşlər Nazirliyinin rəsmi nümayəndəsi İsmayıl Bəqai deyib.

İranın Dəməşqdəki səfirliyinə hücumla bağlı sualı cavablandıran Bəqai bu addımı pisləyib və vurğulayıb ki, diplomatik, eləcə də konsulluq müəssisələrinin təhlükəsizliyinin qorunması beynəlxalq hüququn əsas prinsipidir və istənilən vəziyyətdə hörmət edilməlidir:

"İran bu cür hücumların təkrarlanmasının qarşısını almağa çağırıb və Suriyadakı hadisələrlə bağlı bütün maraqlı tərəflərlə əlaqə saxlayır".

Onun sözlərinə görə, səfirlik əməkdaşlarının təhlükəsizliyini təmin etmək üçün lazımi tədbirlər görülüb, səfir və diplomatik nümayəndəlik əməkdaşları xəsarət almayıb.