Vaşinqton “Heyət Təhrir əş-Şam” (HTŞ) qruplaşmasını terror təşkilatları siyahısından çıxarmaq imkanını nəzərdən keçirir.

Axar.az xəbər verir ki, bu barədə Amerika rəsmisi xüsusi brifinqdə məlumat verib.

Onun sözlərinə görə, Suriyadakı siyasi transformasiyada müxtəlif suriyalı qrup və təşkilatlar iştirak edir və HTŞ bu prosesin mühüm tərkib hissəsidir:

“ABŞ qruplaşma ilə Amerikanın maraqlarına uyğun şəkildə əlaqə qurmağı planlaşdırır”.

O, hazırda HTŞ-nin terror təşkilatları siyahısında qalıb-qalmayacağı ilə bağlı şərh verməyib:

“Gələcəkdə bu məsələyə baxacağıq”.

Həmçinin bildirib ki, HTŞ-nin müəyyən bəyanatlarının icra edilib-edilməyəcəyini qiymətləndirmək vacib olacaq.

Qurum rəsmisi qeyd edib ki, bu, çoxşaxəli qrupdur, hazırkı vəziyyəti nəzərə alaraq və praqmatik olmaqla, ağıllı davranılmalıdır:

“Heyət Təhrir əl-Şam” düzgün bəyanatlar verir və hazırda düzgün hərəkət edir”.