Suriyada Bəşər Əsədin əmisi oğlunun meydanda edam edilməsi barədə Kremlin məlumatı yoxdur.

Axar.az xəbər verir ki, bu barədə Kremlin mətbuat katibi Dmitri Peskov deyib.

Onun sözlərinə görə, Moskva Suriyada baş verənləri diqqətlə izləyir və Dəməşqlə əlaqə saxlayır:

“Rusiya Suriyadakı vəziyyətin mümkün qədər tez sabitləşməsini görmək istəyir”.

Qeyd edək ki, hökumətin devrilməsindən sonra Əsəd ailəsinin bir çox üzvü ölkədən qaçıb. Lakin prezidentin qohumlarından bəziləri Suriyadan çıxa bilməyib. Latakiya bölgəsində toplaşan əhali Əsədin əmisi oğlunu Süleyman Hilal Əsədi Latakiyadakı meydanda edam edib.