İsrail qoşunları Suriyada müəyyən edilmiş “yer-hava” strateji raketlərinin 90%-dən çoxunu məhv edib.

Axar.az xəbər verir ki, bu barədə İsrail ordusunun məlumatında deyilir.

Məlumata görə, son günlər İsrail Hərbi Hava Qüvvələrinə məxsus yüzlərlə qırıcı və təyyarə Suriyanın ən strateji silahlarına: qırıcı və helikopterlərə, “Skad” raketlərinə, pilotsuz uçuş aparatlarına, qanadlı raketlərə, yüksək dəqiqliklə idarəolunan “yer-dəniz”, “yer-hava”, radarlar və s. silahlara ciddi ziyan vurub.

Həmçinin qeyd edilir ki, Suriyanın hava hücumundan müdafiə sistemi Yaxın Şərqdə ən güclü sistemlərdən biridir və vurulan zərər İsrail hava qüvvələrinin bölgədəki üstünlüyünün mühüm nailiyyətidir.