2024.12.15. 13:57

Kerç sahillərində Rusiyaya məxsus “Volqoneft-212” neft tankeri batıb.

Axar.az xəbər verir ki, bu barədə Rusiya Teleqram kanalları məlumat yayıb.

Məlumata görə, güclü dalğa nəticəsində tanker iki yerə bölünüb və batıb.

Tankerdə 13 heyət üzvünün olduğu bildirilir.

Hazırda gəminin batdığı ərazidə xilasetmə əməliyyatı aparılır.

***

Kerçdə daha bir neft tankeri batıb.

Rusiya Teleqram kanallarının məlumatına görə, “Volqoneft-239” neft tankeri də iki hissəyə bölünərək batıb.

***

“Volqoneft-212” və “Volqoneft-239” tankerlərinin on heyət üzvü xilas edilib.

Bu barədə Rusiya Teleqram kanalları məlumat yayıb.

Məlumata görə, 13 nəfərin taleyi hələ məlum deyil.

***

Kerç boğazında sahildən bir neçə kilometr aralıda batan Rusiyanın "Volqoneft-212" tankerinin kapitanı ölü hesab edilsə də, sağ tapılıb.

Bu barədə "Baza" Teleqram kanalı məlumat yayıb.

Qeyd olunur ki, kapitan mazutlu suda boğulmaq üzrə olub. O, huşunu itirib, onurğasından zədə alıb və donub. İndi o və digər ekipaj üzvü reanimasiyadadırlar.

Bildirilir ki, gəminin 13 nəfərdən ibarət bütün heyəti xilas edilib, onlardan 11-i donma diaqnozu ilə Anapa xəstəxanasına yerləşdirilib.