Bu gecə Ukrayna ərazisi kütləvi PUA hücumuna məruz qalıb.

Axar.az xəbər verir ki, bu barədə Ukrayna mətbuatı məlumat yayıb.

Məlumata görə, Xmelnitski vilayətinə zərbələr nəticəsində bir sıra sənaye müəssisəsi zədələnib.

Xmelnitski vilayət administrasiyasının rəhbəri Sergey Tyurinin sözlərinə görə, hücum nəticəsində bir nəfər yaralanıb.

Kiyev vilayətində də PUA hücumu nəticəsində elektrik xətti, 4 şəxsi ev, qaraj və 3 avtomobil zədələnib.

Ukrayna Hava Qüvvələrindən verilən məlumata görə, 22-23 dekabr tarixlərində Rusiyadan Ukrayna ərazisinə 72 PUA buraxılıb. Onlardan 47-si vurulub, 25-i isə maddi ziyan vermədən yerə düşüb. Ümumilikdə hücumlar Poltava, Sum, Xarkov, Kiyev, Çerniqov, Çerkassk, Jitomir, Xmelnitski və Odessa vilayətlərinə edilib.