Rusiya Ukraynaya raket hücumlarının taktikasını dəyişib və daha az, lakin daha kütləvi zərbələrə keçib.

Axar.az xəbər verir ki, bu barədə Böyük Britaniyanın Müdafiə Nazirliyi ölkə kəşfiyyatının təhlilinə istinadən məlumat yayıb.

İngilislər rusların dekabrın 12-dən 13-nə keçən gecə həyata keçirdikləri raket hücumunu təhlil ediblər. Noyabr və ondan əvvəlki hücumlarda olduğu kimi, ruslar qanadlı və ballistik raketləri hədəfə almaq üçün strateji və taktiki təyyarələrdən istifadə ediblər. Eyni zamanda, dənizdən “Kalibr” raketləri, yerdən isə çoxsaylı kamikadze pilotsuz təyyarələr buraxılıb. Ümumilikdə, ən azı 180 PUA ilə birlikdə 90-a yaxın raketdən istifadə edilib.

Britaniya kəşfiyyatı vurğulayır ki, Rusiya avqust ayından bəri raket hücumları həyata keçirməyib, lakin sonradan bir neçə güclü atəş dalğası həyata keçirmək üçün raketlər toplayıb. Bu, rusların ilin əvvəlində izlədiyi taktikada nəzərəçarpacaq dəyişiklikdir.

Bundan əlavə, Rusiya nümayişkaranə “cəza tədbirləri” üçün müəyyən raket ehtiyatı saxlayır.