SEPAH-ın quru qoşunları ölkənin cənub-şərqindəki Sistan və Bəlucistan əyalətində antiterror əməliyyatı zamanı terrorçu qruplaşmaya ağır itkilər verib.

Axar.az xəbər verir ki, bu barədə "Mehr" məlumat yayıb․

110-cu Salman Farsi Xüsusi Əməliyyat Briqadasının komandiri, ikinci briqada generalı Seyid Məhəmməd Hüseyni bildirib ki, əməliyyat "Ceyş əl-Ədl"in fəaliyyətini ciddi şəkildə pozub.

Hüseyninin sözlərinə görə, SEPAH-ın quru qoşunlarının komando bölməsi ölkənin müxtəlif bölgələrindən olan digər əməliyyat bölmələri ilə birlikdə son bir neçə ay ərzində “Təhlükəsizlik Şəhidləri” kampaniyası zamanı "Ceyş əl-Ədl"in təhdidlərinə qəti şəkildə cavab verməyə nail olub:

"Təhlükəsizlik Şəhidləri” kampaniyası zamanı SEPAH quru qüvvələrinin ən mühüm nailiyyətlərindən biri də bir neçə terrorçu hücrə və bazanın məhv edilməsi olub. Terrorçuların ölkənin daxili ərazilərində yerləşən sığınacağı aşkar edilərək məhv edilib ki, bu da “Ceyş əl-Ədl” terrorçularının fəaliyyətinə ciddi zərbə vurub".