Suriyanın yeni hakimiyyətinin nümayəndələri Dəməşqə səfər edən Almaniya xarici işlər naziri Annalena Berbokun əlini sıxmaqdan imtina ediblər.

Axar.az xəbər verir ki, bu barədə DPA agentliyi məlumat yayıb.

Məlumata görə, Dəməşq hava limanında naziri qarşılayan suriyalı nümayəndə heyəti ona əl uzatmayıblar. Daha sonra görüş zamanı Suriya lideri Əhməd əş-Şara da eyni addımı atıb.

“Gələn kimi mənə aydın oldu ki, burada adi əl sıxışmaları olmayacaq”, - Berbok jurnalistlərə açıqlamasında deyib.

Qeyd edək ki, Almaniya və Fransa XİN başçıları Annalena Berbok və Jan-Noel Barro Suriyaya birgə səfərə gediblər.