AB-nin xarici işlər və təhlükəsizlik siyasəti üzrə ali nümayəndəsi AB-nin Ermənistanda “mülki missiyası”nın daha iki il müddətinə uzadılmasını təklif edib.

Axar.az xəbər verir ki, bu barədə Ali Nümayəndəliyin mətbuat xidməti “Azadlığ”ın sorğusuna cavab olaraq bildirib.

“Üzv dövlətlər bu təklifi dəstəkləyiblər və hazırda AB Şurasının müvafiq qurumları ilə lazımi hüquqi aktları müzakirə edirlər. Şuranın müddətin uzadılması ilə bağlı qərarının yaxın günlərdə verilməsi gözlənilir”, - nəşrə verilən yazılı cavabda deyilir.

Qeyd edək ki, AB-nin Ermənistandakı “missiyası”nın müddəti fevralda başa çatır.