Almaniya kansleri Olaf Şolts xarici işlər və müdafiə nazirləri Annalena Berbok və Boris Pistorius tərəfindən Kiyevə əlavə 3 milyard avroluq hərbi yardım paketinin ayrılmasına mane olur.

Axar.az xəbər verir ki, bu barədə “Der Spiegel” jurnalı mənbələrə istinadən məlumat yayıb.

Mənbəyə görə, nazirlər fevralın 23-nə təyin edilmiş Bundestaq seçkisinə qədər yeni yardım göstərmək istəyir:

“Müdafiə Nazirliyinin mütəxəssisləri mərmilər, “Patriot” üçün raketlər, 10 haubitsa və döyüş sursatı da daxil olmaqla, daha 3 İRİS-T hava hücumundan müdafiə sistemini əhatə edən silahların siyahısını hazırlayıb. Əlavə xərclər kimi Bundestaqın büdcə komitəsi vasitəsilə 3 milyard avronun köçürülməsi planlaşdırılırdı. Bununla belə, kansler qeyri-rəsmi olaraq əlavə hərbi yardım paketini təsdiq etməyəcəyini bildirib”.