Rostov vilayətində PUA-ların hücumundan sonra zədələnmiş obyektlərin hüdudlarında fövqəladə vəziyyət rejimi tətbiq edilib.

Axar.az xəbər verir ki, bu barədə Myasnikovski rayonunun rəhbəri Andrey Torpuciyan Teleqram kanalında məlumat verib.

Bildirilir ki, ötən gün Rostov vilayətinin Myasnikovski rayonunun Çaltır kəndində PUA-nın hücumu nəticəsində fərdi yaşayış evi və avtomobillər yanıb. Həmçinin PUA-nın hücumundan sonra Krım kəndindəki istehsalat zavodunun ərazisində yanğın baş verib.

O, həmçinin qeyd edib ki, zədələnmiş obyektlərin ərazisində fon radiasiyasının səviyyəsi normal həddədir və atmosfer havasında heç bir zərərli maddə aşkar edilməyib.