Ukrayna Donald Trampın andiçmə mərasimindən dərhal sonra ABŞ ilə ən yüksək səviyyədə təmaslara hazırlaşır.

Axar.az xəbər verir ki, bu barədə Ukrayna Xarici İşlər Nazirliyinin nümayəndəsi Georgi Tixi Trampın Putinlə görüşməyə hazırlaşması ilə bağlı xəbərləri şərh edərkən deyib.

O bildirib ki, bu məlumat yeni deyil, çünki Tramp əvvəllər Putinlə görüşmək istədiyini bəyan edib:

“Bizim mövqeyimiz çox sadədir: Ukraynada hamımız ölkə üçün ədalətli şəkildə müharibəni bitirmək istəyirik və görürük ki, Prezident Tramp da müharibəni bitirməkdə qərarlıdır. Ona görə də indi biz prezidentlərin görüşünü gözləyirik”.