Los-Ancelesi bürüyən meşə yanğınları ABŞ tarixində ən dəhşətli təbii fəlakət ola bilər.

Axar.az xəbər verir ki, bu barədə Kaliforniya qubernatoru Gevin Nyusom deyib.

"Düşünürəm ki, bu, fəlakətin miqyası və dəyən zərər baxımından belə olacaq", - deyə o bildirib.

Qubernator həmçinin vurğulayıb ki, o, yanğın nəticəsində zərər görmüş əmlakın yerli sakinlər üçün bərpasını asanlaşdıracaq sərəncam imzalayıb:

"Biz üç həftə, üç ay, üç il sonranı düşünməliyik. Eyni zamanda, diqqətimiz indi baş verənlərə, yəni insanların və əmlakın təhlükəsizliyinə yönəlməlidir. Fəlakətin nəticələrinin aradan qaldırılmasının məqsədi budur”.

Qeyd edək ki, 7 yanvarda başlayan meşə yanğınları yaşayış sahəsinə keçib, nəticədə yüzlərlə mülk məhv olub. İndiyə qədər yanğınlar nəticəsində 16 nəfər ölüb. Yanğınlar hələ də nəzarət altına alınmayıb.