Əgər Kim Çen İn Rusiya əsirliyində olan ukraynalı əsgərlərin dəyişdirilməsini təşkil edərsə, Kiyev əsir götürdüyü şimali koreyalı hərbçiləri təhvil verməyə hazırdır.

Axar.az xəbər verir ki, bunu Ukrayna Prezidenti Vladimir Zelenski deyib.

“Geri qayıtmaq istəməyən Şimali Koreya əsgərləri üçün başqa yollar ola bilər. Xüsusilə, bu müharibə haqqında Koreya həqiqətlərini yaymaqla sülhü yaxınlaşdırmaq arzusunu ifadə edən koreyalılar belə bir fürsət əldə edəcəklər”, - Zelenski bildirib.

Qeyd edək ki, bir neçə gün öncə Kurskda əsir alınan koreyalı əsgərlər Kiyevə aparılıb.

Cənubi Koreya kəşfiyyatının əldə etdiyi məlumata görə, şimali koreyalı əsgərlərin Rusiya-Ukrayna cəbhəsindəki itkisi 300 ölü və 2700 yaralı təşkil edir.