Avropa Birliyi Ukrayna Silahlı Qüvvələrinin “Türk axını” qaz kəmərinin kompressor stansiyasına hücumu ilə bağlı xəbərlərdən narahatdır.

Axar.az xəbər verir ki, bunu Avropa Komissiyasının nümayəndəsi Anna-Kaysa İtkonen deyib.

“Enerji infrastrukturuna hər hansı hücum narahatlıq doğurur. Bu barədə Ukrayna tərəfdən heç bir məlumat almamışıq. Biz enerji təhlükəsizliyi ilə bağlı vəziyyəti nəzarətdə saxlayırıq”, - İtkonen vurğulayıb.

Qeyd edək ki, daha öncə Rusiya Müdafiə Nazirliyi bildirib ki, Kiyev Avropaya qaz tədarükünü dayandırmaq üçün “Türk axını” ilə qaz tədarük edən “Russkaya” kompressor stansiyasına doqquz təyyarə tipli PUA ilə hücum edib.

Kompressor stansiyası adi qaydada kəmərə qazın verilməsini davam etdirir.