Qarşılıqlı hörmətə əsaslanan “çoxəsrlik” (? – red.) Ermənistan-İran münasibətləri erməni xalqı üçün xüsusi əhəmiyyət kəsb edir.

Axar.az xəbər verir ki, bunu Ermənistanın hakim Mülki Müqavilə Partiyasından olan deputat Armen Xaçatryan Feysbuk səhifəsində yazıb.

“Regiondakı çağırışlar Ermənistan və İran arasında müxtəlif sahələrdə əməkdaşlığın inkişafını və dərinləşməsini vacib edir. Yanvarın 13-də Ermənistan parlamentinin müdafiə və təhlükəsizlik daimi komissiyasının üzvləri parlamentdə İran məclisinin İran-Ermənistan dostluq qrupunun nümayəndə heyətini qəbul edib. Görüş zamanı digər məsələlərlə yanaşı, regional təhlükəsizlik, ərazi bütövlüyü və sərhədlərin toxunulmazlığı məsələlərində İranın mövqeyinin əhəmiyyəti, o cümlədən müxtəlif parlament formatlarında qarşılıqlı fəaliyyətin və parlamentlərarası əməkdaşlığın daha da genişləndirilməsinin zəruriliyi qeyd edilib”, - o bildirib.