Polşa daim digər üzv ölkələrdən Ukraynanı NATO-ya üzv olmağa rəsmi dəvət etməyi tələb edir.

Axar.az xəbər verir ki, bunu Polşa Prezidenti Andjey Duda Varşavada Ukrayna Prezidenti Vladimir Zelenski ilə birgə mətbuat konfransında bildirib.

“Ukrayna üçün təhlükəsizliyin ən böyük təminatı NATO-ya üzvlük olardı və ümid edirəm ki, tezliklə olacaq və bu təminatlar 5-ci maddə ilə bağlıdır. Təbii, biz hamımız başa düşürük ki, Ukraynanın NATO-ya tam şəkildə daxil olması yalnız hərbi əməliyyatlar dayandırıldıqdan sonra mümkündür, lakin bu gün Polşa Prezidenti və Ukraynanın qonşusu, əvvəldən Ukraynaya kömək etməkdə iştirak edən ölkə kimi israrla NATO ölkələrindən tələb edirəm ki, Ukraynaya NATO üzvlüyünə dəvətnamə versinlər. Bu, Şimali Atlantika Alyansı ölkələri tərəfindən real təhlükəsizlik zəmanətlərinin verilməsi ilə bağlı ilk addım olardı”, - Duda qeyd edib.