Rusiya hüquq-mühafizə orqanları general-leytenant İqor Kirillov və onun köməkçisi İlya Polikarpovun ölümü ilə nəticələnən terror aktının sifarişçiləri və təşkilatçılarını müəyyənləşdirməkdə davam edir.

Axar.az xəbər verir ki, bu barədə Rusiya İstintaq Komitəsinin nümayəndəsi Svetlana Petrenko deyib.

O bildirib ki, istintaq Moskvadakı terror aktında daha iki nəfərin əli olduğunu müəyyən edib:

“Söhbət Batuxan Toçiyev və Ramazan Padiyevdən gedir - onlar artıq saxlanılıb. Onlara qarşı Rusiya Federasiyası Cinayət Məcəlləsinin 105-ci maddəsinin 3-cü hissəsinin “b” bəndi (“Mütəşəkkil dəstə tərəfindən terror aktı törətmək”) ilə ittiham irəli sürülüb”.

Qeyd edək ki, Moskvada 17 dekabrda avtomobilinin yaxınlığında baş verən partlayış nəticəsində Rusiya qüvvələrinin Radiasiya, kimyəvi və bioloji müdafiə qoşunlarının komandanı, general-leytenant İqor Kirillov və köməkçisi öldürülmüşdü.