ABŞ-ın yeni seçilmiş Prezidenti Donald Tramp andiçmə mərasimi üçün ailəsi ilə birlikdə Vaşinqton şəhərinə gedib.

Axar.az xəbər verir ki, bu barədə “CBS Nyus” məlumat yayıb.

Məlumata görə, Tramp həyat yoldaşı və oğlu ilə birlikdə Florida ştatının Palm-Biç beynəlxalq hava limanında yerli vaxtla saat 17:30-da təyyarəyə əyləşib.

Məlumata görə, Trampın andiçmə mərasimində musiqiçilər Kerri Andervud, Billi Rey Sayrus, Ceyson Oldin, “The Village People” disko qrupu, reper Nelli və bir sıra məşhurlar iştirak edəcək.

Bundan başqa, milyarder İlon Mask, “Amazon”un təsisçisi Ceff Bezos, "Meta"nın baş direktoru Mark Zukerberq, Tiktokun baş direktoru Şou Zi Çunun da mərasimə qatılacağı bildirilib.

Qeyd edək ki, ABŞ-ın yeni seçilmiş Prezidenti Donald Trampın andiçmə mərasimi yanvarın 20-də baş tutacaq.