2022-ci ilin sonunda ABŞ Baş Qərargah Rəisləri Komitəsinin sədri Mark Milli Kiyevə cəbhədəki uğurlardan istifadə edərək Moskva ilə danışıqlar aparmağı təklif etdi, lakin Dövlət katibi Entoni Blinken bunun əleyhinə çıxdı.

Axar.az xəbər verir ki, bu barədə “Nyu York Tayms” qəzeti yazıb.

Bildirilib ki, Blinken ukraynalılara silah yardımı, Rusiyaya iqtisadi sanksiyalar tətbiq etməyə razılaşan 50-yə yaxın ölkədən ibarət koalisiya yaradaraq, Ukraynanı dəstəkləməyə çağırmaqda fəallıq göstərib:

“Rusiya və Ukrayna danışıqlara can atmadığı üçün Blinken “daha az sülhməramlı” idi. Xüsusilə, o, Ukraynaya güclü silahların göndərilməsi üçün Pentaqon rəsmiləri ilə tez-tez mübahisə edirdi. Və 2022-ci ilin sonunda Mark Milli Ukrayna tərəfinə döyüş meydanındakı qələbələrdən istifadə edərək sülh danışıqlarına başlamağı təklif edəndə Blinken mübarizənin davam etdirilməli olduğunu təkid etdi”.