Kanadanın Liberal Partiyası Castin Trüdonun istefasından sonra yenidən seçkilərə hazırlaşır. Keçmiş maliyyə naziri və baş nazirin müavini Kristia Friland Liberal Partiya rəhbərliyinə və baş nazirliyə namizədliyini açıqlayıb. O, Trampla mübarizə aparacağına söz verib.

Axar.az Publika.az-a istinadən xəbər verir ki, Friland çıxışında ABŞ-ın yeni prezidentinə qarşı sərt fikirlər səsləndirib və özünü “Trampın qorxduğu lider” kimi qələmə verib.

O, ABŞ-ın Kanada idxalına 25 faiz rüsum tətbiq etmə planına da cavab verib:

"Bizi vursanız, sizi vuracağıq. Kanada ABŞ-ın indiyə qədər gördüyü ən böyük ticarət zərbəsini vurmağa hazırdır. Tramp məni sevmir, çünki mən Kanadanın maraqları üçün möhkəm və effektiv çıxış etmişəm. O, zəif liderlərə üstünlük verir. Lakin Kanadaya Trampdan qorxmayan lider lazımdır".