Ticarət və ya tarif müharibəsinin qalibi olmur.

Axar.az xəbər verir ki, Çin Xarici İşlər Nazirliyinin rəsmisi xanım Mao Nin ABŞ Prezidenti Donald Trampın Çin məhsullarına əlavə gömrük rüsumları tətbiq edəcəyi ilə bağlı açıqlamasına cavab olaraq deyib.

“Biz Çinin bu məsələ ilə bağlı mövqeyini dəfələrlə izah etmişik. Biz həmişə inanmışıq ki, ticarət və ya tarif müharibəsində qalib yoxdur”, - deyən Çin XİN rəsmisi əlavə edib ki, Çin daim öz milli maraqlarını qətiyyətlə müdafiə edir.

Mao Nin diqqət çatdırıb ki, Pekin ABŞ ilə əlaqə saxlamağa, fikir ayrılıqlarını düzgün həll etməyə, qarşılıqlı faydalı əməkdaşlığı genişləndirməyə və Çin-ABŞ münasibətlərinin davamlı inkişafına töhfə verməyə hazırdır.

Qeyd edək ki, Prezident Donald Tramp fevralın 1-dən başlayaraq Çindən idxal edilən məhsullara 10 faizlik əlavə rüsumlar tətbiq edə biləcəyini açıqlayıb.