Rusiya və Ermənistanın xarici işlər nazirləri Sergey Lavrov və Ararat Mirzoyan yanvarın 21-də Moskvada geniş müzakirə aparıblar.

Axar.az xəbər verir ki, bunu Rusiya XİN-in rəsmi nümayəndəsi Mariya Zaxarova bu gün keçirilən brifinqdə “Nyus.ru”nun sualını cavablandırarkən bildirib.

"Səmimi söhbət aparılıb, lakin hər şey kamera qarşısında olmayıb. Bir çox məsələlər bağlı qapılar arxasında müzakirə edilib. Təxminən üç saat bağlı qapılar arxasında keçib, ona görə də deyə bilərəm ki, həqiqətən də tərəflər üçün xüsusi aktuallıq kəsb edən bir çox məsələlər üzrə səmimi söhbət olub", - Zaxarova qeyd edib.