Ermənistan Baş naziri Nikol Paşinyanın fevralın əvvəlində ABŞ-a səfəri planlaşdırılır.

Axar.az xəbər verir ki, bu barədə Ermənistan hökuməti məlumat yayıb.

“Fevralın əvvəlində Ermənistan Baş naziri Nikol Paşinyanın ABŞ-a səfəri planlaşdırılır. Baş nazir 5-ci illik Beynəlxalq Dini Etiqad Azadlığı Sammitində, həmçinin "Milli Namaz Səhər yeməyi"ndə iştirak edəcək”, - məlumatda bildirilib.

Qeyd edək ki, bundan öncə erməni mediası Nikol Paşinyanın ABŞ-a səfəri və Trampla görüşə razılıq alması üçün XİN başçısı Ararat Mirzoyana göstəriş verdiyini yazmışdı. İddia edilirdi ki, Mirzoyan bunu artıq vəzifəsini təhvil verən dövlət katibi Entoni Blinkendən xahiş edib və sonuncu bu görüşü təşkil edəcəyinə söz verib.

Buna baxmayaraq, Paşinyanın ABŞ-a səfəri çərçivəsində hansısa rəsmi görüş keçirəcəyi haqda Ermənistan hökumətinin məlumatında heç nə deyilmir.