İran İslam İnqilabı Keşikçiləri Korpusu (SEPAH) Hərbi Dəniz Qüvvələri ölkənin cənubunda keçirilən təlimlər zamanı özünün mürəkkəb minalarından birinin ilk görüntüsünü yayıb.

Axar.az xəbər verir ki, “Mehr” bu minaların digər dəniz minalarından fərqli imkanlara sahib olduğunu, üstəlik, onun bəzi xüsusiyyətlərinin indiyədək gizli saxlandığını yazıb.

Qeyd edək ki, SEPAH-ın Hərbi Dəniz Qüvvələri dünən İranın cənubundakı Buşəhr və Xuzistan əyalətləri yaxınlığında Fars körfəzi sularında dəniz təlimlərinə başlayıb. Təlimlər SEPAH və ordu qüvvələri tərəfindən son dövrlərdə ölkənin hər yerində birgə həyata keçirilən “İqtidar” (“Güc”) təlimlərinin bir hissəsidir.

Yanvarın əvvəlində SEPAH Hərbi Dəniz Qüvvələri özünün sualtı raket sistemini nümayiş etdirmişdi.