Macarıstan tələb edir ki, Avropa Birliyi və ya Ukrayna Rusiyaya qarşı sanksiyaların uzadılması məsələsi ilə əlaqədar ona enerji təhlükəsizliyi zəmanəti versin.

Axar.az xəbər verir ki, bu sözləri Macarıstanın xarici işlər naziri Peter Siyarto deyib.

“AB-nin Xarici Əlaqələr Şurası bazar ertəsi toplanaraq Rusiyaya qarşı sanksiyaların davam edib-etməməsinə qərar verəcək. Formula aydındır: bundan sonra biz başqalarının müharibələrinin bədəlini ödəyə bilmərik və eyni zamanda enerji təhlükəsizliyimiz üçün riski qəbul edə bilmərik. Ukrayna və yaxud Avropa Birliyi gələcəkdə Macarıstana təbii qaz və neft tədarükünə heç bir maneə yaratmayacağına dair zəmanət verməlidir”, - Siyarto qeyd edib.