Litvanın Ermənistandakı səfiri Andrius Pulokas Litva Xarici İşlər Nazirliyinin Şərq Qonşuluq Departamentinin direktoru Mantas Yakimaviçyusla birgə AB-nin "mülki missiyası"nın qərargahına baş çəkib.

Axar.az xəbər verir ki, bu barədə AB missiyasının məlumatında deyilir.

“Biz Litvanın Ermənistandakı səfiri Andrius Pulokası və Litva Xarici İşlər Nazirliyinin Şərq Qonşuluğu Departamentinin direktoru Mantas Yakimaviçiusu qəbul etməkdən şərəf duyduq. Qonaqlara missiyanın fəaliyyəti barədə məlumat verildi. Qonaqlar missiyanın mandatının uzadılması münasibətilə təbrik etdilər”, - deyə bildirilib.

Qeyd edək ki, AB-nin Ermənistandakı "mülki missiyası"nın mandatı 2027-ci ilin fevralına qədər uzadılıb.