İsrail Suriya ərazisində - Qolan təpələrinin bufer zonasında hərbi bazalar tikir.

Axar.az Publika.az-a istinadən xəbər verir ki, bu barədə "Vaşinqton Post" qəzeti yazıb.

Nəşr peyk şəkillərini təhlil edərək, divarlarla əhatə olunmuş İsrail bazasında təxminən 8 km cənubda oxşar obyektin yerləşdiyi altıdan çox binanın olduğunu müəyyən edib. İki baza Qolan təpələrindəki ərazilərə aparan torpaq yollarla birləşir.

Bundan əlavə, bir neçə kilometr cənubda torpaq sahəsi təmizlənib ki, bu da üçüncü bazanın tikintisinin başlanğıcını ifadə edir.

Suriyanın müdafiə naziri İsrailin işğalını əsassız adlandırıb. O vurğulayıb ki, İsrailin Suriya ilə bağlı narahatlığının əsasını təşkil edən İran təhlükəsi artıq yoxdur. Nazir qeyd edib ki, ÇAXAL öz ölkəsinin sərhədlərini əvvəlki mövqelərində qorumağa qadirdir.