Rusiya Arktikada geniş hərbi baza və limanlar şəbəkəsinə, müasir silahlara və dünyanın ən böyük buzqıran donanmasına malikdir və bu ona Arktikada ABŞ və Kanada üzərində üstünlük verir.

Axar.az xəbər verir ki, bu barədə “Voll Strit Jurnal” məlumat yayıb.

Məlumata görə, Şimali Amerikanın şimal ucqarında hərbi infrastruktur yoxdur:

“Şimali Amerika Aerokosmik Müdafiə Komandanlığının peyklər, yer radarları və hava bazaları şəbəkəsi köhnəlib və Amerika radarları Rusiyanın ən son hipersəs raketlərini aşkar edə bilmir. ABŞ və Kanada 1958-ci ildə Şimali Amerika Aerokosmik Müdafiə Komandanlığının yaradılması haqqında saziş imzalayıb”.

Bundan əlavə, ABŞ-da böyük konteyner gəmilərini idarə etmək üçün Arktika dərin su limanları yoxdur və Kanadanın Şimal Buzlu Okeanına çıxışı təmin edən yalnız bir limanı var və o, Şimal Buzlu Dairəsindən 800 km cənubda yerləşir.