Britaniya rəhbərliyi ABŞ qazı və silahlarının idxalını artırmaqla Donald Trampın tətbiq etdiyi tariflərdən yayınmağa ümid edir.

Axar.az xəbər verir ki, bnu barədə “Politiko” nəşri mənbələrə istinadən məlumat yayıb.

Mənbə bildirib ki, krallığın hakimiyyət orqanları Trampın başlaya biləcəyi qlobal ticarət müharibəsindən qaçmaq niyyətindədir:

“Trampın AB-yə idxal rüsumları tətbiq etmək hədəsi fonunda London bir neçə aydır ki, eyni zərbədən necə qaçmaq barədə düşünür. Britaniya hakimiyyətinin müzakirə etdiyi variantlardan biri də ABŞ-dan qaz və silah idxalının həcminin artırılmasıdır”.

Britaniyanın keçmiş energetika naziri Kvazi Kvartenq vəziyyəti şərh edərk qeyd edib ki, Şimal dənizində hasilat azaldığı üçün haradansa qaz alınmalıdır. Onun sözlərinə görə, Britaniya sahillərində qaz ehtiyatları azaldığından, alternativlərin olmaması səbəbindən ABŞ-dan enerji idxalında artım təbii olacaq.