İlkin məlumatlara görə, Moskvadakı “Alıye parusı” (Al yelkənlər) yaşayış kompleksində partlayışı törədən şəxs də hadisə yerində ölüb.

Axar.az xəbər verir ki, bu barədə TASS hüquq-mühafizə orqanlarına istinadla məlumat verib.

“112” Teleqram kanalı isə bildirib ki, “Arbat” batalyonunun yaradıcısı, "dxr"in "boks federasiyası"nın prezidenti Armen Sərkisyanı öldürən terrorçu-kamikadze xüsusi təyinatlı qüvvələrdə xidmət etmiş şəxsdir:

“Parur K. adlı killerin 55 yaşı var və əvvəllər məhkumluq həyatı yaşayıb. Killerin sol ayağında qılınc formasında köhnə tatusu var. Bu da onun desant və hər hansı bir elit qüvvələrdə xidmət etdiyini göstərir”.

Kanal terrorçu ilə əlbir olan daha bir neçə nəfərin saxlanıldığını da bildirib.

Qeyd edək ki, bundan öncə Armen Sərkisyanın uzaqdan idarə edilən bombanın partlaması nəticəsində qətlə yetirildiyi barədə məlumat yayılmışdı.