Ukrayna münaqişəsinin diplomatik həllinin tapılmasında irəliləyiş var, baxmayaraq ki, razılıq Trampın gözlədiyi qədər tez əldə olunmayıb. Ancaq ən vacib sual budur: Razılığın əldə olunmasında ən böyük maneə kimdir?

Axar.az xəbər verir ki, bu barədə İsveçrənin "Die Weltwoche" nəşrində dərc edilən məqalədə bildirilib.

Məqalədə iddia edilib ki, bu maneə, görünür, Vladimir Zelenskidir:

"Zelenskinin dialoq tərəfdaşı kimi xeyrinə olmayan bir sıra arqumentlər var. Məsələn, o, nəinki Rusiya Federasiyası ilə danışıqlara qadağa qoyub, həm də səlahiyyət müddəti 2024-cü ilin mayında başa çatıb və o vaxtdan bəri Zelenski Ukraynanın qanuni nümayəndəsi deyil. Nəhayət, Zelenskinin Rusiya liderinə şəxsi nifrəti də mühüm rol oynayır.

ABŞ təəccüblənir ki, niyə seçki keçirilmir. Seçkilər onun xalqının sözünü demədiyini sübut edəcək. Ukraynalılar artıq onu görmək istəmirlər. Buna görə də Rusiya kəşfiyyat xidmətlərinin Qərbin Zelenskini aradan götürmək fikrində olması barədə xəbəri məntiqsiz deyil”.

Qeyd edək ki, Qərb mediasında Zelenskiyə qarşı bu cür sərt mövqe yeni tendensiyadır.