Fransa media ilə bağlı vəziyyəti gərginləşdirməkdə davam edərsə, Rusiya cavab tədbirləri görməyə məcbur olacaq.

Axar.az xəbər verir ki, bu barədə Rusiya XİN-in rəsmi nümayəndəsi Mariya Zaxarova Fransa XİN-in rusiyalı jurnalistlərin akkreditasiya proseduruna yenidən baxılması planları haqda danışarkən deyib.

Zaxarova Rusiyadakı fransız jurnalistlərin fəaliyyətinə hər hansı məhdudiyyət tətbiq edilmədiyini də vurğulayıb:

“Bütün bunlar növbəti açıq yalandır. Rusiyada daimi işləyən Fransanın 9 media orqanının 33 əməkdaşı Moskvada özlərini əla hiss edirlər. “Azadlıq, bərabərlik və qardaşlıq” respublikasının hakimiyyət orqanlarından fərqli olaraq, burada heç kim onların böyük mətbuat tədbirlərində iştirakını məhdudlaşdırmır, onları artıq verilmiş akkreditasiyadan məhrum etmir, bank hesablarını dondurmur.

Fransa hakimiyyəti daha da eskalasiyaya getsə, biz cavab verməyə məcbur olacağıq”.