Rusiya Baş Qərargah rəisi Valeri Gerasimov yaxın çevrəsindən olan hərbi qulluqçularla söhbətində deyib ki, Kursk vilayəti yaydan əvvəl azad edilməyəcək. Üstəlik, düşmən qoşunlarının əks-hücumları ilə bağlı xoşagəlməz hadisələr təkrarlana bilər.

Axar.az xəbər verir ki, bu barədə Rusiyanın “Kremlevskaya Tabakerka” Teleqram kanalı mənbəyə istinadla məlumat yayıb.

“Bütün problemlərə görə indi Kursk bölgəsini azad etmək çətindir. İtkilər var, cəbhənin digər, daha perspektivli ərazilərində qoşunlara ehtiyac var və özü də daha çox. Valeri Gerasimov hesab edir ki, indiki vəziyyətdə bu il bütün regionu geri qaytarmaq şansı mövcuddur. Amma çətin ki, bu, yaya qədər edilsin. Ən böyük ehtimal ilin sonuna qədər azad edilə bilər”, - mənbə bildirib.