Mən indicə Ukrayna Prezidenti Vladimir Zelenski ilə danışdım. Söhbət çox yaxşı keçdi. O, Prezident Putin kimi, barışmaq istəyir.

Axar.az xəbər verir ki, bu barədə Tramp sosial şəbəkə hesabında yazıb.

ABŞ lideri vurğulayıb ki, söhbət zamanı münaqişə ilə bağlı bir çox mövzular müzakirə olunub. Danışıqlar zamanı Tramp həmçinin Münhen görüşünü müzakirə edib, burada Amerika nümayəndə heyətinə vitse-prezident Vens və Dövlət katibi Marko Rubio başçılıq edəcək.

Ağ Ev rəhbəri münaqişəni dayandırmağın vaxtı gəldiyi üçün bu görüşün nəticələrinin müsbət olacağına ümid etdiyini bildirib.

"Allah Rusiya və Ukrayna xalqına xeyir-dua versin", - Tramp statusunu bu sözlərlə tamamlayıb.

Qeyd edək ki, ötən gün Tramp Putin və Zelenski ilə telefon danışığı aparıb.