Putinlə Trampın telefon söhbəti tam olaraq nə anlamına gəlir? Son üç ildə həyata keçirilən Putini şeytanlaşdırmaq siyasəti iflasa uğradı. Rusiyanın siyasi təcridi də süqut etdi.

Axar.az xəbər verir ki, bunu rusiyalı politoloq Sergey Markov Rusiya və ABŞ prezidentləri Vladimir Putin və Donald Trampın telefon danışığını şərh edərkən deyib.

“Qərb açıq şəkildə bölünür. Zelenski daha aşağı səviyyəyə düşdü. Tramp Putini böyük müasir siyasətçi kimi görür. Tramp böyük siyasətçi olan Putin kimi olmaq istəyir. İndi müharibənin 2025-ci ildə bitəcəyinə real ümidlər var. İqtisadiyyat optimizmlə yüksələcək”, - o bildirib.

Qeyd edək ki, Putin və Tramp arasında telefon danışığı ötən gün baş tutub.