BMT-nin Livandakı Müvəqqəti Qüvvələrinin (UNIFIL) komandir müavini cümə günü sülhməramlıları Beyrut hava limanına aparan konvoya hücum nəticəsində yaralanıb.

Axar.az xəbər verir ki, bu barədə “Röyters” məlumat yayıb.

Bəyanatda deyilir ki, missiya Livan hakimiyyətindən tam və dərhal araşdırma aparmağı və bütün günahkarları məsuliyyətə cəlb etməyi tələb edib.

Livan Prezidenti Cozef Aun şənbə günü baş verən hücumu pisləyib və deyib ki, təhlükəsizlik qüvvələri ölkədə sabitliyi pozmağa çalışanlara qarşı səbir nümayiş etdirməyəcək.

Livanın daxili işlər naziri Əhməd əl-Həcər bu gün təhlükəsizlik vəziyyətini müzakirə etmək üçün təcili iclas çağırıb.

ABŞ BMT sülhməramlılarının yaralandığını hücumu pisləyib. Dövlət Departamentinin bəyanatında deyilir ki, hücum “Hizbullah tərəfdarları olduğu güman edilən bir qrup şəxs tərəfindən” həyata keçirilib.