Rusiyada “Akvarium” rok qrupunun keçmiş lideri Boris Qrebenşikov Rusiya-Ukrayna müharibəsi başlayandan bəri Ukraynaya kömək etdiyini etiraf edib.

Axar.az Publika.az-a istinadən xəbər verir ki, bu barədə Rusiya mətbuatı yazıb.

Məlumata görə, musiqiçi qərbli həmkarları ilə əməkdaşlıq edərək Kiyevdəki xəstəxanalardan birini maliyyələşdirib.

Bundan əlavə, Qrebenşikov ötən ilin dekabrında Ukraynaya dəstək üçün 100-dən çox lotun yer aldığı iki həftəlik hərracda da iştirak edib.

Həmçinin o, rusları “ruhi xəstə faşistlər” adlandırıb. Hazırda isə Londonda yaşayır.

Qeyd edək ki, 2023-cü ilin iyununda Rusiya Ədliyyə Nazirliyi Boris Qrebenşikovu xarici agentlərin reyestrinə əlavə edib.

Agentlik bunu musiqiçinin konsertlərdən əldə olunan gəliri Ukraynaya yardım kimi göndərməsi və hərbi əməliyyatlara qarşı çıxış etməsi, xarici mənbələrdən dəstək alması ilə əsaslandırıb.