Ukrayna hakimiyyətinin nümayəndə heyəti Səudiyyə Ərəbistanına işgüzar səfərə gəlib.

Axar.az “Meduza”ya istinadla xəbər verir ki, bu barədə Ukraynanın iqtisadiyyat naziri Yuliya Sviridenko məlumat yayıb.

Onun sözlərinə görə, Ukrayna rəsmiləri artıq yerli sahibkarlarla görüş keçirib, enerji, kənd təsərrüfatı və infrastruktur sahələrində layihələr təqdim ediblər.

“Yaxın günlərdə Prezident Vladimir Zelenskinin Səudiyyə Ərəbistanına səfərinə hazırlıq üçün onlarla görüş olacaq. Xüsusilə, biz region ölkələri ilə mühüm iqtisadi sazişlər imzalamağa hazırlaşırıq”, - Sviridenko Feysbuk hesabında bildirib.

Qeyd edək ki, bundan övvəl Rusiya və ABŞ nümayəndə heyətlərinin bu axşam artıq Ərəbistana Ukrayna ilə bağlı danışıqlar üçün yola düşəcəkləri haqda məlumat yayılıb. Bu danışıqlarda Ukraynanın iştirak etmədiyi bildirilsə də, səfərlərin üst-üstə düşməsi diqqət çəkib.