Putinlə Trampın görüşünün konkret tarixini söyləmək çətindir.

Axar.az xəbər verir ki, bunu Rusiya Prezidenti Vladimir Putinin köməkçisi Yuri Uşakov Ər-Riyadda ABŞ rəsmiləri ilə görüşdən sonra mediaya açıqlamasında deyib.

“Çətin ki, Rusiya və ABŞ prezidentləri arasında görüş gələn həftə baş tutsun. Hələlik Moskva ilə Vaşinqtonun yaxınlaşdığını söyləmək çətindir, lakin bu barədə söhbət getdi. Rusiya və ABŞ-dan ibarət ayrı-ayrı danışıqlar qrupu yaxın vaxtlarda Ukrayna ilə bağlı təmaslara başlayacaq. Ukrayna ilə bağlı ABŞ-la təmasların nə vaxt başlayacağına Rusiya prezidenti özü qərar verəcək”, - o bildirib.

O qeyd edib ki, Rusiya və ABŞ bir-birinin maraqlarına hörmət etmək barədə razılığa gəlib.