Makron Trampa qarşı koalisiyaya rəhbərlik edir. O, ikinci sammiti çağırıb (Parisdə ikinci sammit bu gün keçiriləcək – red.). Bu dəfə Parisdə keçirilən ilk iclasda iştirak etməyən ölkələr dəvət edilib. Kanada da daxil olmaqla. Ukrayna böhranı rəsmi olaraq müzakirə olunur. Amma əslində bu, Trampla qarşıdurmadır.

Axar.az xəbər verir ki, bu barədə rusiyalı politoloq Sergey Markov Teleqram kanalında yazıb.

“Makron Trampa ultimatum verir: Rusiyaya qarşı müharibəni davam etdirin! Təbii ki, bütün bu koalisiya ABŞ-dan zəifdir. Amma əgər Makron Trampa qarşı hamını səfərbər etməyi bacarsa, o zaman qarşıdurmanın qiyməti Tramp üçün o qədər yüksək olar ki, o, Makronla və bütün Avropa ilə görüşə gedə bilər.

Bu isə Ukraynada ABŞ-Rusiya sülh danışıqlarına mane olacaq. Makron və müharibə partiyası məhz buna nail olmağa çalışır”, - Markov qeyd edib.