Hər halda səbirli olmaq, dövləti, suverenliyimizi qorumaq lazımdır. Sırf alqışlar almaq üçün heç nəyə imza atmayacağıq!

Axar.az xəbər verir ki, bunu Ukrayna Prezidenti Vladimir Zelenski jurnalist Sandra Mayşbergerə müsahibəsində deyib.

“Mən Ukraynada sülh üçün hər şey etməyə hazıram. Təbii ki, Rusiya məndən qurtulmaq istəyir. Bəlkə də müharibənin əvvəlində etməyə çalışdıqları kimi fiziki yox, siyasi. Mən Putin üçün çox əlverişsiz adamam. Biz bir-birimizi tanıyırıq. Sabah Ukrayna AB və NATO-ya qəbul olunsa, mən daha lazım olmayacağam. Amma bu baş verənə qədər mən ölkəmi müdafiə edəcəyəm”, - Zelenski bildirib.