Kanada və müttəfiqləri birmənalı olaraq Vladimir Putinin beynəlxalq asayişi qanunsuz, əxlaqsız və ədalətsiz şəkildə pozmasına qarşıdır.

Axar.az xəbər verir ki, bunu Kanada Baş naziri Castin Trüdo deyib.

“Mən bir neçə saatdan sonra avropalı tərəfdaşlarımla oturub Ukraynanı birmənalı şəkildə qorumağa davam edəcəyimiz, həmçinin hamımızın təhlükəsizliyini təmin edən qaydaları necə qoruyacağımız barədə danışmaq üçün səbirsizliklə gözləyirəm. Ukraynalılar təkcə öz suverenliklərini, ərazi bütövlüyünü qorumaq üçün döyüşür və ölmürlər. Onlar həmçinin bütün dünyada bizi təhlükəsiz saxlayan və təxminən 80 ildir davam edən qaydalara əsaslanan nizamı qorumaq üçün mübarizə aparırlar. Dünya üçün sülh, sabitlik, firavanlıq dövrü yalnız ona görə olub ki, bizim sərhədlərlə bağlı, qonşularınıza təcavüz etməmək haqqında qanunlarımız var idi. Amma Rusiya bir neçə il öncə qəsdən onu pozmağa qərar verdi. Kanada hər zaman Ukraynanın yanında olacaq”, - Trüdo bildirib.