Məşhur teleaparıcı Leonid Yakuboviçin Moskva vilayətində qəsri var.

Axar.az xəbər verir ki, bu barədə "Şot” (Shot) Teleqram kanalı məlumat yayıb.

Şoumenin 30 hektar ərazidəki qəsrinin Moskva vilayətinin İstrinski rayonunun Velednikovo kəndində yerləşdiyi bildirilir. Ümumi dəyəri bir milyard rubl qiymətləndirilir.

Bildirilib ki, teleaparıcının Karetni Ryadda 60 kvadratmetrlik 2 otaqlı və Moskvadakı Xamovnikidə isə 10 otaqlı mənzili var.

On otaqlı mənzil demək olar ki, bütün üçüncü mərtəbədə yerləşir və onun dəyəri 202 milyon rubl qiymətləndirilir. Teleaparıcının Moskva vilayətinin Odintsovo rayonunun Sivkovo kəndində kiçik evi və hamamı olan 13 sot torpaq sahəsinin də olduğu vurğulanır. Bu əmlakın qiyməti 16 milyon rubl olaraq qiymətləndirilir.

Bundan əlavə, nəşr Yakuboviçin yol hərəkəti qaydalarını pozduğuna görə ümumi məbləği 42 min rubl olan 64 cəriməsinin olduğunu müəyyən edib.